പാറശാല: ബാലനെ പ്രകൃതിവിരുദ്ധ പീഡനത്തിനിരയാക്കിയ കേസില്‍ കുട്ടിയുടെ അമ്മാവനെ പാറശാല പൊലീസ് അറസ്റ്റ് ചെയ്തു. പാറശാല നെടുവാന്‍വിള കരിമാനൂര്‍ സ്വദേശിയായ സാനന്ദ് ജോണാ (37) ണ് പിടിയിലായത്.
പീഡനത്തെ തുടര്‍ന്ന് അവശനിലയിലായ കുട്ടിയെ കഴിഞ്ഞദിവസം തിരുവനന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. അമ്മാവനാണ് തന്നെ പീഡിപ്പിച്ചതെന്ന് കുട്ടി പൊലീസില്‍ മൊഴി നല്‍കി. കഴിഞ്ഞ ക്രിസ്തുമസിന് അമ്മയുടെ കുടുംബ വീട്ടിലെത്തിയപ്പോഴാണ് ഇയാള്‍ ആദ്യമായി കുട്ടിയെ പീഡനത്തിന് ഇരയാക്കിയത്.
കഴിഞ്ഞദിവസവും പീഡനം ആവര്‍ത്തിച്ചപ്പോഴാണ് കുട്ടി വിവരം മാതാപിതാക്കളെ അറിയിച്ചത്. തുടര്‍ന്ന് വീട്ടുകാര്‍ നല്‍കിയ പരാതിയുടെ അടിസ്ഥാനത്തില്‍ പൊലീസ് കേസെടുത്ത് പ്രതിയെ അറസ്റ്റ് ചെയ്യുകയായിരുന്നു. ഇന്നലെ കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.