ധാംബുള്ള: ശ്രീലങ്കക്കെതിരായ ഒന്നാം ഏകദിന പോരാട്ടത്തില്‍ ബംഗ്ലാദേശിനു വിജയം. 90 റണ്‍സിനാണു ബംഗ്ലാദേശ് വിജയം പിടിച്ചത്. ആദ്യം ബാറ്റു ചെയ്ത ബംഗ്ലാദേശ് 50 ഓവറില്‍ അഞ്ചു വിക്കറ്റ് നഷ്ടത്തില്‍ 324 റണ്‍സെടുത്തപ്പോള്‍ ലങ്കന്‍ പോരാട്ടം 45.1 ഓവറില്‍ 234 റണ്‍സില്‍ അവസാനിച്ചു.
മൂന്നു വിക്കറ്റെടുത്ത മുസ്തഫിസുര്‍ റഹ്മാന്‍ രണ്ടു വീതം വിക്കറ്റെടുത്ത മൊര്‍താസ, മെഹദി ഹസന്‍ എന്നിവരുടെ ബൗളിങാണു ബംഗ്ലാദേശിനു വിജയം സമ്മാനിച്ചത്. ലങ്കക്കായി ചാന്‍ഡിമല്‍ 59 റണ്‍സെടുത്തു.
നേരത്തെ ഓപണര്‍ തമിം ഇഖ്ബാല്‍ (127), ഷാകിബ് അല്‍ ഹസന്‍ (72), സബ്ബിര്‍ റഹ്മാന്‍ (54) എന്നിവരുടെ ബാറ്റിങാണു ബംഗ്ലാദേശിനു മികച്ച സ്‌കോര്‍ സമ്മാനിച്ചത്.