തിരുവനന്തപുരം: കാളപെറ്റെന്ന് കേട്ടാല്‍ ഉടന്‍ കയറെടുക്കുന്നവരാണ് ചാനലുകളെന്ന് കെ.പി.സി.സി പ്രസിഡന്റ് എം.എം ഹസന്‍. സത്യമെന്തെന്ന് അന്വേഷിക്കാതെ ബ്രേക്കിങ് ന്യൂസാക്കാന്‍ ദൃശ്യമാധ്യമങ്ങള്‍ മത്സരിക്കുകയാണ്. സംസ്ഥാന യുവജനക്ഷേമ ബോര്‍ഡിന്റെ ആഭിമുഖ്യത്തില്‍ യുവമാധ്യമ പ്രവര്‍ത്തക ക്യാംപില്‍ മാധ്യമങ്ങളും രാഷ്ട്രീയവും എന്ന വിഷയത്തില്‍ സംസാരിക്കുകയായിരുന്നു അദ്ദേഹംചാനലുകളില്‍ വരുന്ന തരത്തിലുള്ള തെറ്റായ വാര്‍ത്തകള്‍ പത്രങ്ങളില്‍ വരാറില്ല. ഇക്കാര്യത്തില്‍ ഒരു പെരുമാറ്റച്ചട്ടം സൂക്ഷിക്കുന്നവരാണ് അച്ചടി മാധ്യമ പ്രവര്‍ത്തകര്‍. കേള്‍ക്കുന്നതിലെ ശരിയെ കുറിച്ച് അവര്‍ അന്വേഷിക്കാറുണ്ടെന്നും അദ്ദേഹം വ്യക്തമാക്കി.