കൊപ്പം: നടുവട്ടം ഗവ.ജനത ഹയര്‍സെക്കന്‍ഡറി സ്‌കൂളില്‍ വി.പി. മുഹമ്മദ് ഇഖ്ബാല്‍ മെമ്മോറിയല്‍ ഹാള്‍ ഉദ്ഘാടനം ചെയ്തു. സഹപാഠി മുഹമ്മദ് ഇഖ്ബാലിന്റെ സ്മാരകമായി 1995 എസ്.എസ്.എല്‍.സി ബാച്ച് വിദ്യാര്‍ഥികളും ഇഖ്ബാലിന്റെ കുടുംബവും സംയുക്തമായാണ് സ്‌കൂളിന് കോണ്‍ഫ്രന്‍സ് ഹാള്‍ സമ്മാനിച്ചത്.
ഹാളിന്റെ സമര്‍പണം മുഹമ്മദ് മുഹ്‌സിന്‍ എം.എല്‍.എ നിര്‍വഹിച്ചു. ബ്ലോക്ക് പഞ്ചായത്ത് പ്രസിഡന്റ് കമ്മുക്കുട്ടി എടത്തോള്‍ അധ്യക്ഷനായി.
സ്‌കൂളില്‍നിന്ന് ഈ വര്‍ഷം വിരമിക്കുന്ന അധ്യാപകായ ഹെഡ്മാസ്റ്റര്‍ സി.എസ്. ലംബോദരന്‍, കെ.കെ. കൃഷ്ണകുമാര്‍, കെ.കെ. മംഗളം, പി. രത്‌നകുമാരി, കെ.ടി. ഹനീഫ് എന്നിവര്‍ക്ക് യാത്രയയപ്പും നല്‍കി.