കളമശേരി: നഗരസഭയിലെ ശാരീരിക വെല്ലുവിളി നേരിടുന്നവര്‍ക്കായി യന്ത്രവല്‍കൃത ചക്ര കസേരകളും ശ്രവണ സഹായികളും വിതരണം ചെയ്തു. കളമശേരി ടൗണ്‍ ഹാളില്‍ നടന്ന വിതരണ ചടങ്ങ് നഗരസഭ ചെയര്‍പേഴ്‌സണ്‍ ജെസി പീറ്റര്‍ ഉദ്ഘാടനം ചെയ്തു.
നഗരസഭയിലെ 74 പേര്‍ക്ക് യന്ത്രവല്‍കൃത ചക്ര കസേരകളും ശ്രവണ സഹായികളും കൂടാതെ സാധാരണ ചക്ര കസേരകളും തെറാപ്പി മാറ്റുകളും നല്‍കി.
കൗണ്‍സിലര്‍ റുക്കിയ ജമാല്‍ അധ്യക്ഷയായി. പൊതുമരാമത്ത് സ്റ്റാന്‍ഡിങ് കമ്മിറ്റി ചെയര്‍മാന്‍ എ.കെ. ബഷീര്‍ , സെക്രട്ടറി എസ് നാരായണന്‍ തുടങ്ങിയവര്‍ പങ്കെടുത്തു.