മട്ടാഞ്ചേരി: ഫോര്‍ട്ടുകൊച്ചിയിലെ ചരിത്രപ്രസിദ്ധമായ വാസ്‌കോ ഡ ഗാമ സ്‌ക്വയറിനു് ഒരു പുതിയ മുഖം നല്‍കാനുള്ള പദ്ധതിയുമായി സന്നദ്ധ സംഘടനയായ തണല്‍ക്കൂട്ട് രംഗത്ത്. ജന പങ്കാളിത്തത്തോടെയാണ് ഇവര്‍ പദ്ധതി നടപ്പാക്കാന്‍ ഉദ്ദേശിക്കുന്നത്.
ഡബ്ല്യൂ.ആര്‍.ഐ ഇന്ത്യയും കെ.എം.ഇ.എ ആര്‍ക്കിടെക്ച്ചര്‍ കോളജുമായും സഹകരിച്ചാണ് പദ്ധതി ആസൂത്രണം ചെയ്തിരിക്കുന്നത്.
ഇതിന്റെ ഭാഗമായി ഇന്ന് രാവിലെ ഏഴ് മുതല്‍ 12 മണി വരെ പ്രദേശവാസികളുടെ സഹായത്തോടെ താല്‍ക്കാലിക ഇന്‍സ്റ്റലേഷന്‍സ് ഒരുക്കും. വൈകിട്ട് മൂന്ന് മണി മുതല്‍ ഏഴു മണി വരെ വിവിധ കലാപരിപാടികളും പൈതൃക നഗര പര്യടനവും നടത്തും.
പൊതു സ്ഥലങ്ങളില്‍ സ്ഥിരമായ അടിസ്ഥാന സൗകര്യങ്ങള്‍ നിര്‍മ്മിക്കുവാന്‍ ഉതകുന്ന ഉപദേശ നിര്‍ദ്ദേശങ്ങള്‍ പൊതുജനങ്ങളില്‍ നിന്ന് പ്രതീക്ഷിക്കുന്നതായും സംഘാടകര്‍ പറഞ്ഞു.