പെരുമ്പാവൂര്‍: റബ്ബര്‍ ഷീറ്റ് ഉണക്കുന്ന പുകപ്പുരക്ക് തീപിടിച്ചു. മുടക്കുഴ പഞ്ചായത്ത് വാര്‍ഡ് ഒന്നില്‍ എളംമ്പകപിള്ളി പുറമാടത്ത് വീട്ടില്‍ രാമന്‍ പണിക്കരുടെ വീട്ടിലെ പുകപ്പുരയാണ് കത്തിനശിച്ചത്. ഇന്നലെ രാവിലെ 9.30 ഓടെയാണ് സംഭവം. പുകപ്പുരയില്‍ സൂക്ഷിച്ചിരുന്ന അമ്പതോളം റബ്ബര്‍ ഷീറ്റും മറ്റ് അനുബന്ധ വസ്തുക്കളും ഭാഗീകമായി കത്തിനശിച്ചു. പെരുമ്പാവൂര്‍ ഫയര്‍ സ്റ്റേഷനിലെ അസി. സ്റ്റേഷന്‍ ഓഫീസര്‍ എന്‍.എച്ച് അസൈനാരുടെ നേതൃതത്തില്‍ ലീഡിംങ്ങ് ഫയര്‍മാന്‍ സന്തോഷ്, പ്രവീണ്‍ പ്രഭു എന്നിവരടങ്ങുന്ന സംഘമാണ് തീയണച്ചത്.