പെരുമ്പാവൂര്‍: മാറുന്ന കാലഘട്ടത്തില്‍ അധ്യാപക സമൂഹത്തെ എല്ലാ തരത്തിലും വായിക്കുവാനും ഉള്‍കൊള്ളാനും കഴിയുന്നവരായി മാറണമെന്ന് മുസ്ലിം ലീഗ് ജില്ലാ ജനറല്‍ സെക്രട്ടറി കെ.എം അബ്ദുല്‍ മജീദ് പറഞ്ഞു. കേരള അറബിക് ടീച്ചേഴ്‌സ് ഫെഡറേഷന്‍ (കെ.എ.ടി.എഫ് )ജില്ല കണ്‍വന്‍ഷനും യാത്രയപ്പ് സമ്മേളനവും മുടിക്കല്‍ അല്‍ മുബാറക് യു.പി സ്‌കൂളില്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
ജില്ലാ പ്രസിഡന്റ് ടി.വി പരീത് അധ്യക്ഷനായിരുന്നു. എം.സ്വലാഹുദീന്‍ മദനി മുഖ്യ പ്രഭാഷണം നടത്തി. മുസ്‌ലിം ലീഗ് ജില്ലാ വൈസ് പ്രസിഡന്റ് എന്‍.വി.സി അഹമ്മദ്, മുസ്‌ലിം ലീഗ് വാഴക്കുളം പഞ്ചായത്ത് പ്രസിഡന്റ് കെ.കെ ഷാജഹാന്‍, എന്‍ .എ സലീം ഫാറൂഖി, സ്റ്റാന്റിങ് കമ്മിറ്റി ചെയര്‍പേഴ്‌സന്‍ ഫാത്തിമ ജബ്ബാര്‍, എം.കെ അബൂബക്കര്‍ ഫാറൂഖി, ഡോ.കുഞ്ഞുമുഹമ്മദ് പുലവത്ത്, സംസ്ഥാന അറബിക് സ്‌പെഷ്യല്‍ ഓഫിസര്‍ എ.എം സൈനുദ്ദീന്‍, ഐ.എം.ഇ എം റാഹില ബീവി, എന്‍.പി അബ്ദുല്‍ സലാം, കെ.എം സിദ്ദീഖ്, സ്‌കൂള്‍ മാനേജര്‍ എം.എസ് അബ്ദുല്‍ നാസര്‍, കെ.എം.ഹംസ, കെ.യു അബ്ദു റഹീം ഫാറൂഖി, കെ.എ നൗഷാദ് ,എം എം നാസര്‍ തുടങ്ങിയവര്‍ സംസാരിച്ചു.