വെഞ്ഞാറമൂട്: കുളിക്കടവില്‍ പരസ്യമായി മദ്യപിക്കുകയും കുളിക്കാനെത്തിയ സ്ത്രീകളെ ശല്യപ്പെടുത്തുകയും ചെയ്തതു ചോദ്യംചെയ്ത ഗൃഹനാഥനെ മര്‍ദിച്ച നാലുപേര്‍ അറസ്റ്റില്‍. വട്ടയം കള്ളിക്കാട് ചരുവിള പുത്തന്‍വീട്ടില്‍ രാജേഷ് (31), കുറ്റിമൂട് കുന്നുമുകള്‍ വടക്കതില്‍ വീട്ടില്‍ ഹരിഹരന്‍ (34), കുറ്റിമൂട് കടുവാക്കുഴി കുന്നുംപുറത്ത് വീട്ടില്‍ ഷിബു (31), കുറ്റിമൂട് കുന്നുംപുറത്ത് വീട്ടില്‍ സജു (24) എന്നിവരാണ് അറസ്റ്റിലായത്. നെല്ലനാട് പന്തപ്ലാവിക്കോണംകുളത്തിന്‍കര വീട്ടില്‍ ദിവാകരന്‍ നായര്‍ (57) ക്കാണ് മര്‍ദനമേറ്റത്.
കഴിഞ്ഞ 24നു വൈകുന്നേരം 5നായിരുന്നു സംഭവം. വാമനപുരം ആറ്റിന്റെ അംബാമുട്ടം കടവിനു സമീപം മദ്യപിക്കുകയും സ്ത്രീകളെ ശല്യം ചെയ്യുകയും ചെയ്തത് കണ്ട് ദിവാകരന്‍ നായര്‍ ചോദ്യം ചെയ്തു. തുടര്‍ന്ന് നാല്‍വര്‍ സംഘം ഇയാളെ ക്രൂരമായി മര്‍ദ്ദിക്കുകയായിരുന്നു. വെഞ്ഞാറമൂട് സി.ഐ ആര്‍. വിജയന്‍, എസ്.ഐ ദീപു, ഗ്രേഡ് എസ്.ഐ ശ്രീധരന്‍, സി.പി.ഒമാരായ പ്രഭാകരന്‍ പിള്ള, ദീപു എന്നിവരാണ് പ്രതികളെ പിടികൂടിയത്.