എയര്‍ഗണ്ണും 20 പെല്ലറ്റുകളും കത്തിയും പ്രതിയില്‍നിന്ന് പിടികൂടി
നിലമ്പൂര്‍: കൊക്കിനെ വെടിവച്ചുകൊന്ന കേസില്‍ ഒരാള്‍ വനപാലകരുടെ പിടിയിലായി. വണ്ടൂര്‍ നടുവത്ത് പട്ടുകുടി ഉണ്ണികൃഷ്ണന്‍ (45) ആണ് അറസ്റ്റിലായത്. കൊക്കിനെ വെടിവച്ചുകൊന്ന എയര്‍ഗണ്ണും 20 പെല്ലറ്റുകളും, കത്തിയും ഇയാളില്‍ നിന്ന് പിടികൂടി.
ഇന്നലെ രാവിലെ നടുവത്ത് ചക്കാലപറമ്പില്‍ വയലിലാണ് കൊക്കിനെ വെടിവച്ചു കൊന്നത്.
കൊക്കിന്റെ ജഡവും കണ്ടെടുത്തു. ഫ്‌ളയിങ് സ്‌ക്വാഡിന് ലഭിച്ച രഹസ്യ വിവരത്തെ തുടര്‍ന്നാണ് എസ്.എഫ്.ഒ വി.രാജേഷ് ഇയാളെ തൊണ്ടി സഹിതം അറസ്റ്റ് ചെയ്തത്.
പ്രതിയെ കോടതിയില്‍ ഹാജരാക്കി. ബീറ്റ് ഫോറസ്റ്റ് ഓഫിസര്‍മാരായ എം.അനൂപ് കുമാര്‍, വൈ.ഫെലിക്‌സ്, എ.എന്‍.രതീഷ് എന്നിവരും റെയ്ഡ് സംഘത്തിലുണ്ടായിരുന്നു.