തിരൂര്‍: ആസക്തിക്കെതിരേ ആത്മസംസ്‌കരണം എന്ന പ്രമേയത്തില്‍ ജൂണ്‍ മൂന്ന് മുതല്‍ അഞ്ച് വരെ തിരൂര്‍ സഹചാരി മെഡി സെന്റര്‍ തലക്കടത്തൂരില്‍ സംഘടിപ്പിക്കുന്ന പ്രമുഖരുടെ റമദാന്‍ പ്രഭാഷണ പരിപാടിയുടെ ഭാഗമായി സംഘാടക സമിതി ഓഫിസ് പ്രവര്‍ത്തനം തുടങ്ങി. ഓഫിസ് ഉദ്ഘാടനം എസ്.കെ.എസ്.എസ്.എഫ് മലപ്പുറം വെസ്റ്റ് ജില്ലാ പ്രസിഡന്റ് സയ്യിദ് ഫഖ്‌റുദ്ദീന്‍ ഹസനി തങ്ങള്‍ കണ്ണന്തളി നിര്‍വഹിച്ചു. ഹുസൈന്‍ തലക്കടത്തൂര്‍ അധ്യക്ഷനായി. പി.എം റഫീഖ് അഹ്മദ്, ശംസുദ്ധീന്‍ ഫൈസി കുണ്ടൂര്‍, റഹൂഫ് കണ്ണന്തളി, കെ.പി റസാഖ് താനൂര്‍, അശ്ക്കര്‍ ഫൈസി ചെമ്പ്ര, ഇബ്‌റാഹീം കുട്ടി ഹാജി, സി.കെ ഇസ്മാഈല്‍, മുനീര്‍ ഉണ്യാല്‍ സംബന്ധിച്ചു.