സംസ്ഥാനത്തെ തെരഞ്ഞെടുക്കപ്പെട്ട ഐ.ടി.ഐകളില്‍ ഓഗസ്റ്റില്‍ നടത്തുന്ന സി.ഒ.ഇ ട്രേഡ് ടെസ്റ്റിന് എന്‍.സി.വി.ടി അഫിലിയേഷന്‍ ലഭിച്ചിട്ടുള്ള ഗവ. ഐ.ടി.ഐ.കളില്‍ ബി.ബി.ബി.റ്റി, അഡ്വാന്‍സ്ഡ് മൊഡ്യൂള്‍ മുന്‍വര്‍ഷങ്ങളില്‍ പരീക്ഷ എഴുതി തോറ്റ ട്രെയിനികള്‍ക്ക് വീണ്ടും പരീക്ഷ എഴുതുന്നതിന് വേണ്ട നിശ്ചിത ഫോറത്തില്‍ അപേക്ഷ ക്ഷണിച്ചു. സപ്ലിമെന്ററി ട്രേഡ് ടെസ്റ്റിന് അപേക്ഷിക്കുന്ന തോറ്റ ട്രെയിനികള്‍ 150 രൂപ ട്രഷറിയില്‍ 0230 ലേബര്‍ ആന്‍ഡ് എംപ്ലോയ്‌മെന്റ് 00800 അദര്‍ റസീപ്റ്റ്‌സ് എന്ന ശീര്‍ഷകത്തില്‍ തുക ഒടുക്കി അസല്‍ ചലാന്‍ സഹിതം ജൂലൈ 11ന് വൈകിട്ട് അഞ്ചിനു മുന്‍പു ഐ.ടി.ഐ പ്രിന്‍സിപ്പലിന് അപേക്ഷ നല്‍കണം. ജൂലൈ 14 വരെ അന്‍പത് രൂപ പിഴയോടു കൂടി അപേക്ഷിക്കാം. പരീക്ഷാ വിജ്ഞാപനം www.det.kerala.gov.inല്‍ ലഭിക്കും.