മലപ്പുറം: കോട്ടയത്ത് യുവാവ് കൊല്ലപ്പെട്ട സംഭവം പൊലിസിന്റെ തികഞ്ഞ പരാജയമാണ് കാണിക്കുന്നതെന്ന് പി.കെ കുഞ്ഞാലിക്കുട്ടി എം.പി. പൊലിസിന്റെ വീഴ്ചയാണ് കൊലപാതകത്തിലേക്ക് നയിച്ചത്. സമയോചിതമായ ഇടപെടലുണ്ടായിരുന്നെങ്കില്‍ ഇത്തരം ദൗര്‍ഭാഗ്യകരമായ സംഭവങ്ങള്‍ ഒരിക്കലും നടക്കില്ലായിരുന്നു. ഇത്തരം പൊലിസ് കഴിവുകേടുകള്‍ സര്‍ക്കാര്‍ ഗൗരവമായി എടുക്കണമെന്നും കുഞ്ഞാലിക്കുട്ടി മലപ്പുറത്ത് മാധ്യമങ്ങളോട് പറഞ്ഞു.