കായംകുളം: റമദാന്‍ സന്ദേശം ഉള്‍ക്കൊണ്ട് ജീവിക്കാന്‍ വിശ്വാസികള്‍ തയ്യാറാകണമെന്ന് കായംകുളം മുഹമ്മദ് ഷാഫി മൗലവി അഭിപ്രായപ്പെട്ടു.
കായംകുളം ഖുര്‍ആന്‍ സ്റ്റഡീസെന്ററിന്റെ ആഭിമുഖ്യത്തില്‍ മര്‍ഹൂം ഇ.എം ഹുസൈന്‍ സാഹിബ് നഗറില്‍ (ഷഹിദാര്‍ മജ്‌സിദ് ഗ്രൗണ്ടില്‍) സംഘടിപ്പിച്ച വിജ്ഞാനവീഥിയില്‍ ഖുര്‍ആന്റെ വെളിച്ചം എന്ന പരിപാടിയില്‍ മുഖ്യപ്രഭാഷണം നടത്തുകയായിരുന്നു അദ്ദേഹം. കായംകുളം ഖുര്‍ആന്‍ സ്റ്റഡീസെന്റര്‍ ചെയര്‍മാന്‍ കെ. ജലാലുദ്ദീന്‍ മൗലവി എം.എഫ്.ബി അധ്യക്ഷനായി.
കുറുങ്ങാട് മുസ്‌ലിം ജമാത്ത് പ്രസിഡന്റ് പി.എം. ഷംസുദ്ദീന്‍ പാപ്പാടിയില്‍ ഉദ്ഘാടനം ചെയ്തു. ഖുര്‍ആന്‍ സ്റ്റഡീസെന്റര്‍ ജനറല്‍ സെക്രട്ടറി പൂക്കുഞ്ഞ് കോട്ടപ്പുറം സ്വാഗതം പറഞ്ഞു. എ. ത്വാഹാമൗലവി, അല്‍ ഹാഫിസ് മുഹമ്മദ് ഷാഫി മന്നാനി, എസ്. അബ്ദുല്‍ലത്തീഫ് നൂറാട്ട്, അഡ്വ. എച്ച്. ബഷീര്‍കുട്ടി, ജെ. മുഹമ്മദ്കുഞ്ഞ്, താജ് തവക്കല്‍, നിസാര്‍ പൊന്നാരേത്ത്, എം. ഹാമിദ് മാസ്റ്റര്‍, സലിംരാജ്, നാസറുദ്ദീന്‍ മന്നാനി, അഡ്വ. അബ്ദുല്‍ലത്തീഫ്, ഇ.എം. റഷീദ്, എന്‍.കെ. മുജീബ് തുടങ്ങിയവര്‍ പ്രസംഗിച്ചു.