ബ്രസല്‍സ്: കിഴക്കന്‍ ബെല്‍ജിയം നഗരമായ ലീഗെയില്‍ നടന്ന വെടിവയ്പില്‍ രണ്ട് വനിതാ പൊലിസ് ജീവനക്കാരും ഒരു നാട്ടുകാരനും കൊല്ലപ്പെട്ടു. രണ്ട് പൊലിസുകാര്‍ക്കു പരുക്കേറ്റു. അക്രമിയെ പിന്നീട് പൊലിസ് കൊലപ്പെടുത്തി.
ചൊവ്വാഴ്ച രാവിലെ നഗരത്തിലെ ഒരു കഫെയ്ക്കടുത്തായിരുന്നു സംഭവം. കത്തിയുമായെത്തിയ അക്രമി ഇവിടെ സുരക്ഷാ ചുമതലയിലുണ്ടായിരുന്ന പൊലിസുകാരെ അക്രമിക്കുകയായിരുന്നു. തുടര്‍ന്ന് തോക്ക് തട്ടിപ്പറിച്ച് ഉദ്യോഗസ്ഥര്‍ക്കുനേരെ വെടിയുതിര്‍ത്തു.