കയ്പമംഗലം: കോണ്‍ഗ്രസ് കയ്പമംഗലം മണ്ഡലം കമ്മിറ്റിയുടെ ആഭിമുഖ്യത്തില്‍ കയ്പമംഗലം പഞ്ചായത്ത് ഓഫീസിലേക്ക് മാര്‍ച്ച് നടത്തി. കയ്പമംഗലം പഞ്ചായത്തില്‍ എഴുപത് ശതമാനത്തില്‍ ഏറെ പദ്ധതി വിഹിതം ചിലവഴിച്ചില്ലെന്നാരോപിച്ചായിരുന്നു മാര്‍ച്ച്. കെ.പി.സി.സി എക്‌സിക്യൂട്ടീവ് അംഗം പി.എ മുഹമ്മദാലി മാര്‍ച്ച് ഉദ്ഘാടനം ചെയ്തു. ബ്ലോക്ക് കോണ്‍ഗ്രസ് പ്രസിഡന്റ് സജയ് വയനപിള്ളി അധ്യക്ഷനായി. ഡിസി.സി ജനറല്‍സെക്രട്ടറിമാരായ കെ.എഫ് ഡൊമിനിക്, പി.എം.എ ജബ്ബാര്‍, അനിത ബാബു, പി.എസ് ഷാഹിര്‍, എം.ജി.ചന്ദ്രന്‍, സുനിത വിക്രമന്‍ സംസാരിച്ചു.