ധാക്ക: ബംഗ്ലാദേശില്‍ ഹിന്ദു പൂജാരിയെ ക്ഷേത്രത്തിനു മുന്നില്‍ കൊല്ലപ്പെട്ട നിലയില്‍ കണ്ടെത്തി.വെള്ളിയാഴ്ച്ച രാവിലെ ധാക്കയില്‍ നിന്നും 300 കിലോമീറ്റര്‍ അകലെ ജനൈദ ജില്ലയിലാണ് സംഭവം. ശ്യാമനോന്ദ ദാസ്(45) ആണ് മരിച്ചത്.

ശ്യാമനോന്ദ ദാസ് ക്ഷേത്രത്തിലെ പ്രഭാതപൂജയ്ക്കായി പൂക്കളും മറ്റും ഒരുക്കുമ്പോഴായിരുന്നു സംഭവം. ബൈക്കിലെത്തിയ മൂന്ന് യുവാക്കള്‍ അദ്ദേഹത്തെ വെട്ടിക്കൊലപ്പെടുത്തിയ ശേഷം ഓടി രക്ഷപ്പെടുകയായിരുന്നുവെന്ന് ജില്ലാ ഭരണകൂട മേധാവി മെഹബൂബുറഹ്മാന്‍ പറഞ്ഞു. കൊലക്ക് പ്രാദേശിക സ്വഭാവമാണുള്ളതെന്നും എന്നാല്‍ കൊലപാതകം സംബന്ധിച്ച് കൂടുതലൊന്നും പറയാന്‍ കഴിയില്ലെന്നും അദ്ദേഹം വ്യക്തമാക്കി.

കൊലപാതകത്തിന്റെ കാരണം വ്യക്തമല്ലെന്നും സംഭവത്തില്‍ ആരേയും അറസ്റ്റ് ചെയ്തിട്ടില്ലെന്നും പൊലിസ് പറഞ്ഞു.

ബംഗ്ലാദേശില്‍ കഴിഞ്ഞ കുറേ നാളുകളായി ന്യൂനപക്ഷ മതവിഭാഗങ്ങള്‍ക്കെതിരെ വ്യാപകമായ അക്രമണങ്ങള്‍ നടക്കുന്നുണ്ട്. ചില അക്രമണങ്ങളുടെ ഉത്തരവാദിത്വം ഐ.എസ് ഏറ്റെടുത്തിരുന്നു. എന്നാല്‍ ഐ.എസ് സാന്നിധ്യം രാജ്യത്തിലെന്നും പ്രാദേശിക തീവ്രവാദികള്‍ തന്നെയാണ് അക്രമത്തിന് പിന്നിലെന്നുമാണ് സര്‍ക്കാര്‍ വ്യക്തമാക്കുന്നത്