വടകര: നാലര ലക്ഷത്തിലേറെ രൂപയുടെ കുഴല്‍പണവുമായി യുവാവ് പിടിയില്‍. കക്കട്ട് സ്വദേശി ഹാരിസിനെയാണ് വടകര പൊലിസ് പിടികൂടിയത്.
ഡിവൈ.എസ്.പിക്ക് ലഭിച്ച രഹസ്യവിവരത്തെ തുടര്‍ന്ന് സ്‌ക്വാഡിന്റെ പിടിയിലാവുകയായിരുന്നു. വില്യാപ്പള്ളി അരയാക്കൂല്‍ താഴെ നിന്നാണ് ഹാരിസിനെ അറസ്റ്റ് ചെയ്തത്.
രേഖകളില്ലാത്ത 4,60,000 രൂപയാണ് പിടിച്ചെടുത്തത്. അരയാക്കൂല്‍താഴെ ഒരു വീട്ടില്‍ പണം കൊടുത്ത് മടങ്ങുമ്പോഴാണ് സ്‌ക്വാഡിന്റെ പിടിയിലായത്.
സംഘത്തില്‍ വേറെയും ആളുകളുണ്ടെന്നും ഇവരെക്കുറിച്ച് അന്വേഷിക്കുന്നുണ്ടെന്നും സി.ഐ ടി.മധുസൂദനന്‍ പറഞ്ഞു.