തിരുവനന്തപുരം: പെട്രോള്‍-ഡീസല്‍ നികുതിയില്‍ നിന്നുള്ള അധികവരുമാനത്തില്‍ ഒരുഭാഗം കുറയ്ക്കാന്‍ കേരള സര്‍ക്കാര്‍ തീരുമാനം. ഇന്ന് ചേര്‍ന്ന മന്ത്രിസഭായോഗമാണ് തീരുമാനമെടുത്തത്.ഇന്ധന വിലയില്‍ ഒരുരൂപയുടെ കുറവ് വരുത്താനാണ് നിര്‍ദേശം. ജൂണ്‍ 1 മുതല്‍ തീരുമാനം പ്രാബല്യത്തില്‍ വരും.

മുഖ്യമന്ത്രി പിണറായി വിജയനും ധനമന്ത്രി തോമസ് ഐസക്കും ഇക്കാര്യം നേരത്തേതന്നെ വ്യക്തമാക്കിയിരുന്നു.

നിലവിലെ വിലയില്‍ 32ശതമാനം വാറ്റ് നികുതിയാണ് സംസ്ഥാന സര്‍ക്കാര്‍ ഈടാക്കുന്നത്. ഇത് ഏകദേശം 19രൂപയോളം വരും. ഇതിലാണ് ഇപ്പോള്‍ ഇളവ് വരുത്താന്‍ തീരുമാനമായിരിക്കുന്നത്.