കല്‍പ്പറ്റ: കേരള ലളിതകലാ അക്കാദമിയുടെ ശ്രീകണ്ഠപുരം കലാഗ്രാമം ഗൂഗിള്‍ മാപ്പില്‍ ഇടം നേടി. അക്കാദമിയുടെ ഔദ്യോഗിക വെബ്‌സൈറ്റിന് അനുബന്ധമായി കലാഗ്രാമത്തിന്റെ 'വിര്‍ച്യുല്‍ വാക് ത്രൂ' ഒരുക്കിയിട്ടുണ്ട്. ലോകത്ത് എവിടെ ഇരുന്നാലും കാണാവുന്ന വിധത്തില്‍ വീക്ഷണ ഉപകരണങ്ങളിലൂടെ കലാഗ്രാമത്തിന്റെ വിര്‍ച്യുല്‍ റിയാലിറ്റി അനുഭവവേദ്യമാകും. ലോകമെമ്പാടുമുള്ള കലാകാരന്മാര്‍ക്ക് കലാഗ്രാമത്തിന്റെ പ്രയോജനം ലഭിക്കത്തക്കവിധത്തില്‍ വിശദമായി ഒരുക്കിയിട്ടുള്ള ഈ സംവിധാനം പ്രയോജനപ്പെടുത്താം. കലാഗ്രാമം റിസര്‍വ്വ് ചെയ്യുന്നതിനുള്ള നിബന്ധനകളടങ്ങിയ അപേക്ഷാ ഫോറവും വെബ്‌സൈറ്റില്‍നിന്നും ലഭ്യമാകും.