കല്‍പ്പറ്റ: കല്‍പ്പറ്റ സര്‍വിസ് സഹകരണ ബാങ്കിന്റെ പുതിയ എക്‌സറ്റന്‍ഷന്‍ കൗണ്ടര്‍ കൈനാട്ടിയില്‍ പ്രവര്‍ത്തനമാരംഭിച്ചു. സി.കെ ശശീന്ദ്രന്‍ എം.എല്‍.എ ഉദ്ഘാടനം ചെയ്തു. ബാങ്ക് പ്രസിഡന്റ് ടി സുരേഷ് ചന്ദ്രന്‍ അധ്യക്ഷനായി.
പുതിയ ബിസിനസ് സംരഭമായ ബിസിനസ് കറസ്‌പോണ്ടന്റ് ഉദ്ഘാടനം കല്‍പ്പറ്റ നഗരസഭ ചെയര്‍പേഴ്‌സണ്‍ ബിന്ദുജോസ് ഉദ്ഘാടനം ചെയ്തു. ആധുനിക സൗകര്യങ്ങളുള്ള കാര്‍ഷിക ഗോഡൗണ്‍ ജില്ലാ ബാങ്ക് പ്രസിഡന്റ് പി.വി ബാലചന്ദ്രന്‍ ഉദ്ഘാടനം ചെയ്തു. ജോ.രജിസ്ട്രാര്‍ പി വിജയന്‍ ആദ്യ നിക്ഷേപം എ.ഡി യശോധരനില്‍ നിന്നും ഏറ്റുവാങ്ങി. പി.എ മുഹമ്മദ്, എം വേലായുധന്‍, പി സൈനുദീന്‍, അഡ്വ. വെങ്കിട സുബ്രമഹ്ണ്യന്‍, പി.പി ഗോപാലകൃഷ്ണന്‍, പി.കെ ബാബുരാജ്, എ.എം സുരേഷ്‌കുമാര്‍, കെ.കെ കേളപ്പന്‍ സംസാരിച്ചു. ബാങ്ക് വൈസ് പ്രസിഡന്റ് അഡ്വ അഭിലാഷ് ജോസഫ് സ്വാഗതവും സെക്രട്ടറി എം വാസന്തി നന്ദിയും പറഞ്ഞു.