അഞ്ചല്‍: സെന്റ് ജോണ്‍സ് കോളജില്‍ എന്‍.കെ പ്രേമചന്ദ്രന്‍ എം.പി പങ്കെടുത്ത പരിപാടി റിപ്പോര്‍ട്ട് ചെയ്യാനെത്തിയ മാധ്യമപ്രവര്‍ത്തകരെ കോളജ് പ്രിന്‍സിപ്പാള്‍ ഫാദര്‍ ജയിംസ് ഓലീക്കല്‍ കോളജ് കവാടത്തില്‍ തടഞ്ഞു.
പ്രിന്‍സിപ്പലിന്റെ നടപടിയില്‍ കേരള പത്രപ്രവര്‍ത്തക അസോസിയേഷന്‍ ജില്ലാ കമ്മിറ്റി പ്രതിഷേധിച്ചു. സെന്റ് ജോണ്‍സ് കോളജ് പ്രിന്‍സിപ്പാള്‍ മാധ്യമങ്ങളില്‍ നിന്ന് എന്താണ് ഒളിക്കാന്‍ ശ്രമിക്കുന്നതെന്നും എന്തിനാണ് മാധ്യമങ്ങളെ അകറ്റി നിര്‍ത്തുന്നതെന്നു പരിശോധിക്കാന്‍ ബസേലിയോസ് കര്‍ദിനാള്‍ ക്ലീമിസ് ഉള്‍പ്പെടെയുള്ളവര്‍ തയ്യാറാകണമെന്നു പത്രപ്രവര്‍ത്തക അസോസിയേഷന്‍ ആവശ്യപ്പെട്ടു.