പേരാമ്പ്ര: ചേനോളി എ.എല്‍.പി സ്‌കൂള്‍ 105-ാം വാര്‍ഷികവും പൂര്‍വവിദ്യാര്‍ഥി സംഗമവും 31ന് നടക്കുമെന്ന് സ്വാഗതസംഘം ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.
വിദ്യാഭ്യാസ സാംസ്‌കാരിക സമ്മേളനം ജില്ലാ പഞ്ചായത്ത് പ്രസിഡന്റ് ബാബു പറശ്ശേരിയും പൂര്‍വ വിദ്യാര്‍ഥി സംഗമം ബ്ലോക്ക് പഞ്ചായത്ത് പ്രസിഡന്റ് എ.സി സതിയും ഉദ്ഘാടനം ചെയ്യും. പൂര്‍വകാല അധ്യാപകരെ ആദരിക്കല്‍, ഉപജില്ലാ കലോത്സവ വിജയികളെ അനുമോദിക്കല്‍ എന്നിവ നടക്കും. പഞ്ചായത്ത് പ്രസിഡന്റ് പി.എം കുഞ്ഞിക്കണ്ണന്‍ അധ്യക്ഷനാവും.
വാര്‍ത്താ സമ്മേളനത്തില്‍ ടി. ബാലകൃഷ്ണന്‍, പി.ടി.എ പ്രസിഡന്റ് ടി. സന്തോഷ്, കെ. മുരളീധരന്‍, വി.കെ ഭാസ്‌കരന്‍ പങ്കെടുത്തു.