തിരുന്നാവായ: പഞ്ചായത്തിലെ ലൈഫ് സമ്പൂര്‍ണ ഭവന നിര്‍മാണ പദ്ധതിയില്‍ ഉള്‍പ്പെട്ട ഗുണഭോക്താക്കള്‍ക്ക് അനുവദിച്ച തുകയുടെ ആദ്യ ഗഡു വിതരണോല്‍ഘാടനം ജില്ലാ പഞ്ചായത്ത് പ്രസിഡന്റ് എ.പി.ഉണ്ണികൃഷ്ണന്‍ നിര്‍വഹിച്ചു.
ചേരൂരാല്‍ ഇ.എന്‍.കെ ഹാളില്‍ നടന്ന ചടങ്ങില്‍ ഗ്രാമപഞ്ചായത്ത് പ്രസിഡന്റ് ഫൈസല്‍ എടശ്ശേരി അധ്യക്ഷനായി. വി.ഇ.ഒ. ബാബുമോന്‍ പദ്ധതി വിശദീകരിച്ചു. പഞ്ചായത്തുമായി കരാര്‍ പത്രത്തില്‍ ഒപ്പിട്ട 37 കുടുംബങ്ങള്‍ക്കാണ് ആദ്യഗഡു അനുവദിച്ചത്. ജില്ലയില്‍ ആദ്യമായാണ് ലൈഫ് ഗുണഭോക്താക്കള്‍ക്കുള്ള പ്രാരംഭ തുക കൈമാറുന്നത്. വൈസ് പ്രസിഡന്റ് ആനി ഗോഡ്‌ലിഫ്, മുളക്കല്‍ മുഹമ്മദലി, ആയപ്പള്ളി ഷംസുദീന്‍, കെ.വി അബ്ദുല്‍ കാദര്‍, സൂര്‍പ്പില്‍ സുബൈദ, ടി. വേലായുധന്‍, പറമ്പില്‍ നാസര്‍ പഞ്ചായത്ത് സെക്രട്ടറി യു. ഷീല, മധു, സൗമ്യ സംബന്ധിച്ചു.