തിരുവനന്തപുരം: ആസ്വാദകരുടെ ഖല്‍ബ് നിറച്ച് മാപ്പിളപ്പാട്ടുവേദി. സ്വാതി തിരുനാള്‍ സംഗീത കോളജ് വേദിയിലാണ് ഇശലുകള്‍ ഖല്‍ബ് കവര്‍ന്നത്. 32 പേര്‍ മത്സരത്തില്‍ പങ്കെടുത്തു. രാവിലെ പത്തിന് തുടങ്ങിയ മത്സരം ഉച്ചക്ക് രണ്ടോടെയാണ് അവസാനിച്ചത്.
ഖാസി മുഹമ്മദ്, മോയിന്‍കുട്ടി വൈദ്യര്‍, കുഞ്ഞായിന്‍ മുസ്ലിയാര്‍ തുടങ്ങിയവരുടെ ഖണ്ഡകാവ്യങ്ങളും ഗീതങ്ങളും മാപ്പിളപ്പാട്ട് വേദിയില്‍ ഇശലുകളായി. മത്സരാര്‍ഥികള്‍ ഒന്നിനൊന്ന് കിടപിടിക്കുന്ന മത്സരം കാഴ്ചവച്ചത് വിധികര്‍ത്താക്കളെ വലച്ചു. കാര്യവട്ടം ക്യാമ്പസിലെ റിയാസ് എ.എച്ച് ഒന്നാം സ്ഥാനം കരസ്ഥമാക്കി. യൂനിവേഴ്‌സിറ്റി കോളജിലെ മുഹമ്മദ്. ബിയ്ക്കാണ് രണ്ടാം സ്ഥാനം. ചിറയിന്‍കീഴ് മുസ്‌ലിയാര്‍ കോളജിലെ ജാബിര്‍ എം.ഐക്ക് മൂന്നാം സ്ഥാനവും ലഭിച്ചു.