പാലക്കാട്: മൂന്നാര്‍ കയ്യേറ്റ വിഷയത്തില്‍ എം.എം മണിക്ക് മറുപടിയുമായി വിഎസ് അച്യുതാനന്ദന്‍. മൂന്നാറിനെക്കുറിച്ച് കാര്യങ്ങള്‍ പഠിക്കാതെ പറയുന്നത് ആരാണെന്ന് എല്ലാവര്‍ക്കും അറിയാം. കയ്യേറ്റം നടന്നിട്ടില്ലായെന്നാണ് ആ വിദ്വാന്‍ പറയുന്നത്. ഇത് കയ്യേറ്റക്കാരെ സംരക്ഷിക്കാനാണെന്ന കാര്യത്തില്‍ സംശയമില്ലമില്ലെന്നും വിഎസ് പാലക്കാട് പറഞ്ഞു.

മൂന്നാറില്‍ കയ്യേറ്റമൊന്നും നടക്കുന്നില്ല. വിഎസ് മൂന്നാറിനെക്കുറിച്ച് ശരിക്ക് പഠിച്ചിട്ടുണ്ടോ എന്ന് സംശയമുണ്ട്. പൂച്ചയും പട്ടിയും എന്നുപറഞ്ഞുവരുന്നവരെ മുന്‍പും ഓടിച്ചിട്ടുണ്ടെന്നും വിഷയത്തില്‍ വി എസ് നടത്തിയ പരാമര്‍ശത്തിന് മറുപടി നല്‍കി വിവാദത്തില്‍ അകപ്പെടുന്നില്ലെന്നും മണി പറഞ്ഞിരുന്നു