പഴയങ്ങാടി: പഴയങ്ങാടി ബി.വി റോഡില്‍ ബസ് വീട്ടുമതിലില്‍ ഇടിച്ച് ഒമ്പതുപേര്‍ക്ക് പരുക്കേറ്റു. ഇന്നലെ ഉച്ചയോടെ ആണ് സംഭവം.
പഴയങ്ങാടിയില്‍ നിന്ന് പുതിയങ്ങാടി ബീച്ച് റോഡിലേക്ക് പോവുകയായിരുന്ന കാര്‍വര്‍ണന്‍ എന്ന ബസ് ആണ് അപകടത്തില്‍പ്പെട്ടത്. ഇടിയുടെ ആഘാതത്തില്‍ മതില്‍ പൂര്‍ണമായും തകര്‍ന്നു. എന്നാല്‍ ആരുടെയും പരുക്ക് ഗുരുതരമല്ല. കക്കാടന്‍ ചാലിലെ ഇ അരുണ (18), മാട്ടൂലിലെ കെ രേഷ്മ (30), പി വത്സല (42), പി ഓമന (45), കോഴി ബസാറിലെ മിനാര്‍സ് (15), ജലജ (30), എന്നിവര്‍ പരിയാരം മെഡിക്കല്‍ കോളജില്‍ ചികിത്സ തേടി. വിദ്യാര്‍ഥികളായ അനുശ്രീ (15), ശശിര (15), നമിത (15) എന്നിവര്‍ പഴയങ്ങാടി താലൂക്കാശുപത്രിയിലും ചികിത്സ തേടി.