കോട്ടയം: പായിപ്പാട് കൂട്ടമായി റോഡിലേക്കിറങ്ങി ഇതരസംസ്ഥാന തൊഴിലാളികള്‍. തങ്ങള്‍ക്ക് നാട്ടിലേക്ക് പോകാന്‍ സൗകര്യം ഉണ്ടാക്കിത്തരണമെന്ന് ആവശ്യപ്പെട്ടാണ് നൂറുകണക്കിന് ആളുകള്‍ ലോക്ഡൗണ്‍ ലംഘിച്ച് റോഡ് ഉപരോധിക്കുന്നത്.

രാവിലെ പതിനൊന്നുമണിയോടെയാണ് ഒരു വലിയ കൂട്ടം ഇതരസംസ്ഥാന തൊഴിലാളിള്‍ നിരത്തിലിറങ്ങി പ്രതിഷേധം ആരംഭിച്ചത്.

അതിഥി തൊഴിലാളികളെ കൂട്ടത്തോടെ താമസിപ്പിച്ച തൊഴിലുടമകളോട് ഇവര്‍ക്കാവശ്യമായ ഭക്ഷണമടക്കം അടിസ്ഥാന സൗകര്യങ്ങള്‍ ലഭ്യമാക്കണമെന്ന് പഞ്ചായത്ത് നിര്‍ദ്ദേശിച്ചിരുന്നു. എന്നാലിത് പാലിക്കപ്പെടുന്നില്ലെന്നാണ് മനസിലാകുന്നത്.