തേഞ്ഞിപ്പലം: സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡിന്റെ കീഴില്‍ പ്രവര്‍ത്തിക്കുന്ന മദ്‌റസകളിലെ 2016-17 അധ്യയനവര്‍ഷത്തെ ക്ലാസുകള്‍ ശവ്വാല്‍ ഒന്‍പതിന് ആരംഭിക്കും. 'നേരറിവ് നല്ല നാളേക്ക്' എന്ന പ്രമേയവുമായി 'മിഹ്‌റജാനുല്‍ ബിദായ' എന്ന പേരില്‍ വര്‍ണാഭമായ പ്രവേശനാരംഭ പരിപാടികള്‍ എല്ലാ മദ്‌റസകളിലും നടക്കും. പരിപാടിയില്‍ പണ്ഡിതന്മാര്‍, പൗരപ്രമുഖര്‍, രക്ഷാകര്‍ത്താക്കള്‍ സംബന്ധിക്കും.
രാവിലെ ഏഴിന് ആരംഭിക്കുന്ന 'മിഹ്‌റജാനുല്‍ ബിദായ' പ്രാര്‍ഥനാ സദസോടെ സമാപിക്കും. പരിപാടി വിജയിപ്പിക്കാന്‍ മുഅല്ലിംകളും മാനേജിങ് കമ്മിറ്റികളും രംഗത്തിറങ്ങണമെന്ന് സമസ്ത കേരള ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സില്‍ നേതാക്കള്‍ അഭ്യര്‍ഥിച്ചു.