ചെറുതുരുത്തി: നഗരഹൃദയത്തിലെ ഫുട്പാത്തുകള്‍ തകര്‍ന്ന് തരിപ്പണമായി ദുരന്ത ഭീതി ഉയര്‍ത്തുന്നു. ജനജീവന് ഭീക്ഷണിയാകുമ്പോഴും പ്രതിസന്ധി പരിഹാരത്തിന് ഒരു നടപടിയും ഉണ്ടാകുന്നില്ലെന്ന പരാതിയും ശക്തമാണ് ചുങ്കം മുതല്‍ ചെറുതുരുത്തി സെന്റര്‍ വരെയുള്ള പ്രദേശത്തെ ഫുട്പാത്തുകള്‍ മുഴുവന്‍ തകര്‍ന്ന നിലയിലാണ്. ഇന്നലെ തകര്‍ന്ന സ്ലാബിനുള്ളില്‍ കാല്‍ കുടുങ്ങി വീട്ടമ്മയ്ക്ക് പരുക്കേറ്റു. പടിഞ്ഞാറേക്കര പറമ്പില്‍ വിലാസിനി(40)യുടെ കാലിന്റെ എല്ല് പൊട്ടി. പഞ്ചായത്തിലേക്ക് വരികയായിരുന്നു വിലാസിനി. സ്ലാബുകള്‍ അടിയന്തരി മായി പുനര്‍ നിര്‍മിക്കണമെന്ന് ആവശ്യപ്പെട്ട് പ്രക്ഷോഭത്തിനൊരുങ്ങുകയാണ് നാട്ടുകാര്‍.