മുംബൈ: ഐ.പി.എല്‍ ഒത്തുകളിയുമായി ബന്ധപ്പെട്ട് ബോളിവുഡ് നടന്‍ സല്‍മാന്‍ ഖാന്റെ സഹോദരനെ പൊലിസ് ചോദ്യം ചെയ്യും. ഹിന്ദി ചലച്ചിത്ര നടനും സംവിധായകനും നിര്‍മാതാവുമായ അര്‍ബാസ് ഖാനെയാണ് പൊലിസ് ചോദ്യം ചെയ്യാന്‍ ഒരുങ്ങുന്നത്.
അര്‍ബാസിനോട് ഇന്ന് സ്റ്റേഷനില്‍ ഹാജരാകാന്‍ ആവശ്യപ്പെട്ട് താനെ പൊലിസ് നോട്ടിസ് അയച്ചു. ഇക്കഴിഞ്ഞ ഐ.പി.എല്‍ 11ാം അധ്യായത്തിനിടെ പിടിയിലായ വാതുവയ്പ്പ് സംഘത്തിലെ പ്രധാനിയായ സോനു ജലാനുമായി അര്‍ബാസിന് ബന്ധമുണ്ടെന്ന നിഗമനത്തിലാണ് പൊലിസിന്റെ നീക്കം.
ഒത്തുകളിയുമായി ബന്ധപ്പെട്ട് നിശ്ചിത തുക അര്‍ബാസിന് കൈമാറിയതായി സോനുവിന്റെ ഡയറിയില്‍ രേഖപ്പെടുത്തിയിരുന്നു.