കൊല്ലങ്കോട്: മുതലമട ഗവ.ഹയര്‍ സെക്കന്‍ഡറി സ്‌കൂളിന് സമീപം ഗായത്രിപ്പുഴക്ക് പോകുന്ന സ്ഥലത്ത് സ്‌കൂള്‍ മതില്‍ പൊട്ടിപ്പൊളിഞ്ഞ സ്ഥലത്ത് കഞ്ചാവ് വില്‍പന നടത്തിയ യുവാവിനെ പൊലിസ് പിടികൂടി.
കഴിഞ്ഞ ദിവസം രാവിലെ 11 മണിയോടെയാണ് സംഭവം ആലത്തൂര്‍ വാന്നൂര്‍ ലക്ഷംവീട് കോളനി സ്വദേശി റഫീക്ക് ( 27) പിടിയിലായത്. 49 ഗ്രാം കഞ്ചാവ് റഫീക്കില്‍നിന്ന് കണ്ടെടുത്തു.
സ്‌കൂള്‍ പരിസരം കേന്ദ്രീകരിച്ച് കഴിഞ്ഞ ഒരു വര്‍ഷമായി വന്‍ കഞ്ചാവ് വില്‍പന നടക്കുന്നതായി റിപ്പോര്‍ട്ട് ചെയ്തിട്ടുണ്ടെങ്കിലും പ്രതിയെ പിടികൂടാന്‍ പൊലിസ് എക്‌സൈസ് എന്നിവയ്ക്ക് കഴിഞ്ഞിരുന്നില്ല.
എന്നാല്‍ വിദ്യാലയം മധ്യവേനലവധിക്ക് പൂട്ടാന്‍ ഒരുങ്ങുമ്പോഴാണ് 49 ഗ്രാം കഞ്ചാവ് പിടികൂടുന്നത്.
ഇത് ഉദ്യാഗസ്ഥരും കഞ്ചാവ് മാഫിയും തമ്മിലുള്ള ഒത്തു കളിയാണെന്ന് നാട്ടുകാര്‍ ആരോപിച്ചു.