മട്ടാഞ്ചേരി: വീട് കയറി അക്രമിച്ച കേസില്‍ ജാമ്യമെടുത്ത ശേഷം കോടതിയില്‍ ഹാജരാകാതെ കഴിഞ്ഞ മൂന്ന് വര്‍ഷമായി മുങ്ങി നടന്നിരുന്ന പ്രതിയെ ഫോര്‍ട്ട്‌കൊച്ചി പൊലീസ് അറസ്റ്റ് ചെയ്തു.
മട്ടാഞ്ചേരി ചെറളായിക്കടവ് പുത്തന്‍ പറമ്പില്‍ സജീറിനെയാണ് ഫോര്‍ട്ട്‌കൊച്ചി എസ്.ഐ.ജോസഫ് ആന്റെണി നെറ്റോയുടെ നേതൃത്വത്തില്‍ അറസ്റ്റ് ചെയ്തത്.ഫോര്‍ട്ട്‌കൊച്ചി കുന്നുംപുറത്ത് നിന്നാണ് ഇയാള്‍ പിടിയിലായത്.സീനിയര്‍ സിവില്‍ പൊലീസ് ഓഫീസര്‍മാരായ മനാഫ്,ജോണ്‍,സെബാസ്റ്റ്യന്‍,ഉമേഷ്,രഘുനന്ദനന്‍ എന്നിവരും പ്രതിയെ പിടികൂടിയ സംഘത്തിലുണ്ടായിരുന്നു.പ്രതിയെ കോടതിയില്‍ ഹാജരാക്കി.