കൊല്ലം: ചെമ്മാട് ദാറുല്‍ ഹുദാ ഇസ്‌ലാമിക യൂനിവേഴ്‌സിറ്റി യൂജി സ്റ്റുഡന്റ്‌സ് യൂനിയന്‍ അസാസിന് കീഴില്‍ എല്ലാ വര്‍ഷവും നടത്തപ്പെടാറുള്ള ദഅ്‌വ ക്യാംപിന് ഇത്തവണ കൊല്ലത്ത് തുടക്കം. അറിവിന്‍ വഴിയില്‍ തണലായി നില്‍കാം എന്ന പ്രമേയം ഉയര്‍ത്തി പിടിച്ചാണ് ഈ വര്‍ഷത്തെ ക്യാംപ് നടക്കുന്നത്. സമസ്ത ജില്ലാ പ്രസിഡന്റ് മുഹ്‌സിന്‍കോയ തങ്ങള്‍ ക്യാംപ് ഉദ്ഘാടനം ചെയ്തു.
ഈ പദ്ധതിക്ക് കീഴില്‍ വുമണ്‍ സ്‌ട്രെങ്‌തെനിങ് കാംപയിന്‍, യൂത്ത് മീറ്റ്, തിബ്യാന്‍ ഖുര്‍ആന്‍ പഠന ക്ലാസുകള്‍, ഗൃഹ സന്ദര്‍ശനം, കൈപുസ്തക വിതരണം, പള്ളി പ്രഭാഷണം, ഇഫ്താര്‍ മീറ്റ്, റിലീഫ് വിതരണം തുടങ്ങിയ പതിനഞ്ചോളം കര്‍മ പദ്ധതികളാണുള്ളത്.
ആഷിഖ് റഹ്മാന്‍ കാളികാവ് ,നൂറുദ്ധീന്‍ നടുവണ്ണൂര്‍, സ്വബീഹ് മുഷറഫ് വാവൂര്‍, ഷാമില്‍ കടമേരി, ജാബിര്‍ മോളൂര്‍, ഫാരിസ് കോടങ്ങാട്, അനസ് കീഴുപറമ്പ്, റബീഹ് വേങ്ങര എന്നിവരടങ്ങുന്ന എട്ടംഗ ബിരുദ വിദ്യാര്‍ഥികളാണ് കര്‍മ്മ പരിപാടികള്‍ക്ക് നേതൃത്വം നല്‍കുന്നത്.ഉദ്ഘാടന സെഷനില്‍ സമസ്ത കൊല്ലം ജില്ലാ സെക്രട്ടറി അബ്ദുല്‍ ജവാദ് ബാഖവി ,അബ്ദുല്ല കുണ്ടറ ,മുഹമ്മദ് സിയാദ് കേരളപുരം ഷറഫുദ്ദീന്‍ പെരുമ്പുഴ സംസാരിച്ചു.