ഇരിങ്ങാലക്കുട : ഉയര്‍ന്ന വിജയം നേടുമ്പോഴും വിനയം കാത്തുസൂക്ഷിക്കുന്നവരാണു യഥാര്‍ത്ഥ വിദ്യാഭ്യാസം കരസ്ഥമാക്കിയവരെന്നു റൂറല്‍ എസ്.പി പുഷ്‌ക്കരന്‍ എം.കെ അഭിപ്രായപ്പെട്ടു.
ഇരിങ്ങാലക്കുട ജ്യോതിസ് കോളജില്‍ നിയോജകമണ്ഡലത്തിലെ എസ്.എസ്.എല്‍.സി , പ്ലസ് ടു പരീക്ഷകളില്‍ ഫുള്‍ എ പ്ലസ് കരസ്ഥമാക്കിയ വിദ്യാര്‍ഥികളെ ആദരിക്കുന്ന ആദരണീയം ചടങ്ങ് ഉദ്ഘാടനം ചെയ്തു സംസാരിക്കുകയായിരുന്നു അദേഹം.
കാത്തലിക്ക് സെന്റര്‍ അഡ്മിനിസ്‌ട്രേറ്റര്‍ ഫാ.ജോണ്‍ പാലിയേക്കര സി.എം.ഐ അധ്യക്ഷനായി. കോഴിക്കോട് സര്‍വകലാശാല സിന്‍ഡിക്കേറ്റ് അംഗം സി.എല്‍ ജോഷി മുഖ്യാതിഥി ആയിരുന്നു.
ക്രൈസ്റ്റ് കോളജ് പ്രിന്‍സിപ്പാള്‍ ഡോ.മാത്യു പോള്‍ ഊക്കന്‍ ,ശക്തന്‍ തമ്പുരാന്‍ കോളജ് പ്രിന്‍സിപ്പാള്‍ അജിത് രാജ എം ,ജ്യോതിസ് കോളജ് പ്രിന്‍സിപ്പാള്‍ പ്രൊഫ എ.എം വര്‍ഗ്ഗീസ് ആശംസകള്‍ അര്‍പ്പിച്ചു.
വിഷന്‍ ഇരിങ്ങാലക്കുട ചെയര്‍മാന്‍ ജോസ് ജെ ചിറ്റിലപ്പിള്ളി, ജ്യോതിസ് കോളജ് എക്‌സിക്യൂട്ടിവ് ഡയരക്ടര്‍ ഹുസൈന്‍സംസാരിച്ചു. 630 ഓളം വിദ്യാര്‍ഥികളെ ചടങ്ങില്‍ ആദരിച്ചു.