ന്യൂഡല്‍ഹി: പ്രധാനമന്ത്രി നരേന്ദ്രമോദിക്കെതിരേ രൂക്ഷ വിമര്‍ശനവുമായി കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധി. മോദി കര്‍ഷരുടെ വായ്പകളല്ല ധനികരുടെ വായ്പകളാണ് എഴുതി തള്ളുന്നതെന്ന് രാഹുല്‍ ഗാന്ധി ആരോപിച്ചു. വരള്‍ച്ചയെ തുടര്‍ന്ന് കടക്കെണിയിലായ തമിഴ്‌നാട്ടില്‍ നിന്നുള്ള കര്‍ഷകര്‍ക്ക് ഐക്യദാര്‍ഢ്യം പ്രഖ്യാപിച്ച് ജന്തര്‍മന്ദറിലെത്തിയതായിരുന്നു അദ്ദേഹം. കര്‍ഷകര്‍ക്ക് ദുരിതാശ്വാസ നിധി ലഭ്യമാക്കാന്‍ സര്‍ക്കാരിന് സാധിച്ചിട്ടില്ലെന്നും രാഹുല്‍ പറഞ്ഞു.