'സാമൂഹിക ഐക്യം തകര്ക്കുന്നത് നിങ്ങളാണ്'- തബ്ലീഗ് സംഭവത്തെ വര്ഗീയവല്ക്കരിക്കാന് ശ്രമിച്ച മാധ്യമപ്രവര്ത്തകന് തെലങ്കാന മുഖ്യമന്ത്രിയുടെ മറുപടി
ഹൈദരാബാദ്: തബ് ലീഗ് സമ്മേളനത്തിനെത്തിയവര്ക്ക് കൊവിഡ് ബാധിച്ച സംഭവത്തെ വര്ഗീയവല്ക്കരിക്കാന് ശ്രമിച്ച മാധ്യമപ്രവര്ത്തകനെ ശക്തമായ ഭാഷയില് ശാസിച്ച് തെലങ്കാന മുഖ്യമന്ത്രി കെ.സി.ആര്. രാജ്യത്തിന്റെ സാമൂഹിക ഐക്യം തകര്ക്കുന്നത് വാര്ത്തകള് പടച്ചുണ്ടാക്കുന്ന ഇത്തരം മാധ്യമപ്രവര്ത്തകരാണെന്നും ഇതാവര്ത്തിക്കരുതെന്നും അദ്ദേഹം ചൂണ്ടിക്കാട്ടി. ഇന്തോനേഷ്യയില് നിന്ന് നിസാമുദ്ദീനിലെത്തിയവര് മനഃപൂര്വ്വം രാജ്യത്ത് കൊവിഡ് പരത്തുകയാണെന്നും ഇത് ഭീകരവാദത്തിന്റെ ഭാഗമാണെന്നും സ്ഥാപിക്കുന്ന മാധ്യമപ്രവര്ത്തകന്റെ ചോദ്യത്തിനാണ് അദ്ദേഹത്തിന്റെ പ്രതികരണം.
അവര് സര്ക്കാര് അനുവദിച്ച വിസയില് വന്നവരാണെന്നും കെ.സി.ആര് ചൂണ്ടിക്കാട്ടി. അവര് ഒരു തെറ്റും ചെയ്തിട്ടില്ലെന്നും അവര്ക്കെതിരെ നടപടിയെടുക്കേണ്ടആവശ്യമില്ലെന്നും അദ്ദേഹം വ്യക്തമാക്കി.
തെലങ്കാനയില് ആറ് കൊവിഡ് മരണങ്ങള് റിപ്പോര്ട്ട് ചെയ്തതിലൂടെയാണ് തബ്ലീഗ് സമ്മേളനം വിഷയമായത്. സമ്മേളനത്തില് പങ്കെടുത്തവരായിരുന്നു ആറുപേരും. പിന്നീട് സമ്മേളനത്തില് പങ്കെടുത്ത നിരവധി പേര്ക്ക് കൊവിഡ് സ്ഥിരീകരിച്ചു. ഇതോടെ കൊവിഡിനെ ജിഹാദിയാക്കാനുള്ള ശ്രമങ്ങള് വരെ ശക്തമായി.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."