ന്യൂഡല്‍ഹി: ആര്‍.എസ്.എസ് പരിപാടിയില്‍ പങ്കെടുക്കുന്നത് സംബന്ധിച്ചുള്ള വിവാദങ്ങള്‍ക്കുള്ള മറുപടി നാഗ്പൂരില്‍ നല്‍കുമെന്ന് മുന്‍ രാഷ്ട്രപതി പ്രണബ് മുഖര്‍ജി. നിരവധി കത്തുകളും ഫോണ്‍കോളുകളും തനിക്ക് ലഭിച്ചിട്ടുണ്ട്.
എന്നാല്‍ ഇത് സംബന്ധിച്ചുള്ള മറുപടി നാഗ്പൂരില്‍ പറയുമെന്ന് അദ്ദേഹം പറഞ്ഞു. ആര്‍.എസ്.എസ് പരിപാടിയില്‍ പങ്കെടുക്കരുതെന്ന് പ്രണബ് മുഖര്‍ജിയോട് രമേഷ് ചെന്നിത്തല, ജയ്‌റാം രമേഷ് ഉള്‍പ്പെടെയുള്ള നിരവധി കോണ്‍ഗ്രസ് നേതാക്കള്‍ ആവശ്യപ്പെട്ടിരുന്നു. ആര്‍.എസ്.എസ് പ്രവര്‍ത്തകര്‍ക്കുള്ള പരിശീലനത്തിന്റെ സമാപന സമ്മേളനത്തില്‍ മുഖ്യതിഥിയായി പങ്കെടുക്കാനുള്ള ക്ഷണമാണ് പ്രണബ് മുഖര്‍ജിക്ക് ലഭിച്ചത്.