ലണ്ടന്‍: പാകിസ്താനെതിരായ രണ്ടാം ക്രിക്കറ്റ് ടെസ്റ്റില്‍ ഇംഗ്ലണ്ടിന് ഗംഭീര വിജയം. രണ്ട് ദിനം ശേഷിക്കേ ആതിഥേയര്‍ ഇന്നിങ്‌സിനും 55 റണ്‍സിനും വിജയിച്ച് രണ്ട് മത്സരങ്ങളടങ്ങിയ പരമ്പര 1-1ന് സമനിലയിലാക്കി. ഒന്നാം ഇന്നിങ്‌സില്‍ പാകിസ്താനെ 174 റണ്‍സില്‍ പുറത്താക്കിയ ഇംഗ്ലണ്ട് ഒന്നാം ഇന്നിങ്‌സില്‍ 363 റണ്‍സെടുത്തു. 189 റണ്‍സ് ലീഡ് വഴങ്ങി രണ്ടാം ഇന്നിങ്‌സ് തുടങ്ങിയ പാക് നിരയുടെ ചെറുത്തുനില്‍പ്പ് 134 റണ്‍സില്‍ അവസാനിപ്പിച്ചാണ് ഇംഗ്ലണ്ട് വിജയം സ്വന്തമാക്കിയത്. 80 റണ്‍സെടുത്ത് പുറത്താകാതെ നിന്ന് ഇംഗ്ലണ്ടിന് മികച്ച സ്‌കോര്‍ സമ്മാനിച്ച ജോസ് ബട്‌ലറാണ് കളിയിലെ കേമന്‍.