കൊല്ലം: കൊവിഡ് നിരീക്ഷണ നിര്‍ദ്ദേശം പാലിച്ചില്ലെന്ന കണ്ടെത്തലിനെത്തുടര്‍ന്ന് കൊല്ലം സബ് കളക്ടറുടെ ഡ്രൈവര്‍ക്കും ഗണ്‍മാനുമെതിരെ നടപടി. ഇരുവരെയും സര്‍വീസില്‍ നിന്നും സസ്‌പെന്‍ഡ് ചെയ്തു. ഗണ്‍മാന്‍ സുജിത്, ഡ്രൈവര്‍ സന്തോഷ് എന്നിവര്‍ക്കെതിരെയാണു നടപടി.

കൊവിഡ് നിരീക്ഷണത്ത്ിനിടെ മുങ്ങി നാട്ടിലേക്ക് പോയ യു.പി സ്വദേശിയായ സബ് കളക്ടര്‍ അനുപം മിശ്രയുടെ ഡ്രൈവര്‍ക്കും ഗണ്‍മാനുമെതിരെയാണ് സര്‍ക്കാര്‍ നടപടി എടുത്തത്.

വിദേശരാജ്യങ്ങളില്‍ മധുവിധു കഴിഞ്ഞ് മാര്‍ച്ച് 18 ന് കൊല്ലത്തെത്തിയ അനുപം മിശ്രയോട് ക്വാറന്റൈനില്‍ പോകാന്‍ നിര്‍ദ്ദേശം നല്‍കിയിരുന്നു. ഈ നിര്‍ദ്ദേശം ലംഘിച്ച അനുപം മിശ്രയെ നേരത്തെ സസ്‌പെന്‍ഡ് ചെയ്തിരുന്നു.