പയ്യോളി: വാഹനമിടിച്ചു ടെലിഫോണ്‍ പില്ലര്‍ തകര്‍ന്നതിനെത്തുടര്‍ന്ന് തിക്കോടി ഭാഗങ്ങളില്‍ ബി.എസ്.എന്‍.എല്‍ ഫോണുകള്‍ നിശ്ചലമായി. തിക്കോടി പഞ്ചായത്ത് ബസാറിലുള്ള ടെലിഫോണ്‍ പില്ലറില്‍ ഒരു മാസം മുന്‍പാണ് മിനി വാനിടിച്ചത്. തിക്കോടി, ആവിക്കല്‍, അങ്ങാടി, പഞ്ചായത്ത് ബസാര്‍ ഭാഗങ്ങളിലേക്കുള്ള അഞ്ഞൂറോളം കണക്ഷനുള്ള പില്ലറാണ് തകര്‍ന്നത്.
ഇതുകാരണം ബ്രോഡ്ബാന്റ് കണക്ഷനുകളും തകരാറിലായിട്ടുണ്ട്. പുതിയ കേബിള്‍ ഉപയോഗിച്ച് കണക്ഷന്‍ പുനഃസ്ഥാപിക്കുന്നതിനുള്ള പ്രവൃത്തി ആരംഭിച്ചിട്ടുണ്ട്. പഞ്ചായത്ത് ഓഫിസ്, വില്ലേജ് ഓഫിസ്, സര്‍വിസ് ബാങ്ക്, പെട്രോള്‍ പമ്പ്, കൃഷിഭവന്‍ എന്നിവിടങ്ങളിലെ ഫോണുകളെല്ലാം പ്രവര്‍ത്തനരഹിതമാണ്. സംഭവത്തില്‍ ബി.എസ്.എന്‍.എല്ലിന് രണ്ടരലക്ഷം രൂപയുടെ നഷ്ടമാണുണ്ടായത്.