കല്‍പ്പറ്റ: പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി കല്‍പ്പറ്റ ഗവ.എല്‍.പി സ്‌കൂളില്‍ ജനകീയ സംഗമം നടത്തി. നഗരസഭാ സാരഥികള്‍, വിദ്യാര്‍ഥികള്‍, രക്ഷിതാക്കള്‍, പൂര്‍വ വിദ്യാര്‍ഥികള്‍, അധ്യാപകര്‍, മുന്‍ കാല പി.ടി.എ അംഗങ്ങള്‍ പങ്കെടുത്തു. സി.കെ ശശീന്ദ്രന്‍ എം.എല്‍.എ സംഗമം ഉദ്ഘാടനം ചെയ്തു.
രക്ഷിതാക്കള്‍ക്കുള്ള അവധിക്കാല കംപ്യൂട്ടര്‍ പരിശീലനം നഗരസഭാ ചെയര്‍ പേഴ്‌സണ്‍ ഉമൈബ മൊയ്തീന്‍കുട്ടിയും ഇംഗ്ലീഷ് പരിശീലനം വൈസ് ചെയര്‍മാന്‍ പി.പി ആലിയും ഉദ്ഘാടനം ചെയ്തു. വിദ്യാഭ്യാസ സ്ഥിരം സമിതി ചെയര്‍പേഴ്‌സണ്‍ സനിത ജഗദീഷ് അധ്യക്ഷയായി. ആര്‍ രാധാകൃഷ്ണന്‍ സി.കെ ശശീന്ദ്രന്‍ എം.എല്‍.എക്ക് നിവേദനം നല്‍കി. ക്ഷേമകാര്യ സ്ഥിരം സമിതി ചെയര്‍മാന്‍ എ.പി ഹമീദ്, നഗരസഭ കൗണ്‍സിലര്‍ വി ഹാരിസ്, എസ്.എസ്.എ പ്രോഗ്രാം ഓഫിസര്‍ ഒ പ്രമോദ്, പി ആനന്ദന്‍, കെ അശോക് കുമാര്‍, ഇ മുസ്തഫ എന്നിവര്‍ സംസാരിച്ചു.