പട്ടാമ്പി: ഫാസിസത്തിന്റെ കടന്നുകയറ്റത്തിനെതിരെ വിദ്യാര്‍ഥി സമൂഹത്തെ ബോധവാന്മാരാക്കുക എന്ന ലക്ഷ്യവുമായി എസ്.കെ.എസ്.എസ്.എഫ് സാംസ്‌കാരിക വിഭാഗമായ മനീഷ ജില്ലാ കമ്മിറ്റിയുടെ നേതൃത്വത്തില്‍ ഏപ്രില്‍ 13,14,15 മണ്ണാര്‍ക്കാട് ഹുദൈബിയ്യയില്‍ നടക്കുന്ന മദീനാ പാഷന്റെ ഭാഗമായി നാളെ രാവിലെ 11 ന് മണ്ണാര്‍ക്കാട് ഇസ്‌ലാമിക് സെന്ററില്‍ വെച്ച് റൗണ്ട് ടോക്ക് സംഘടിപ്പിക്കും. ജില്ലാ മനീഷാ ചെയര്‍മാന്‍ അബ്ദുറഹ്മാന്‍ മരുതൂര്‍ അധ്യക്ഷനാകും. മനീഷ ജില്ലാ കണ്‍വീനര്‍ കബീര്‍ അന്‍വരി നാട്ടുകല്‍ ആമുഖ പ്രഭാഷണം നടത്തും. എസ്.കെ.എസ്.എസ്.എഫ് സംസ്ഥാന ജനറല്‍ സെക്രട്ടറി സത്താര്‍ പന്തല്ലൂര്‍, ഹബീബ് ഫൈസി കോട്ടോപ്പാടം, ശമീര്‍ ഫൈസി കോട്ടോപ്പാടം പ്രസംഗിക്കും. അജ്മല്‍(കെ.എസ്.യു), ജയദേവന്‍(എസ്.എഫ്.ഐ), ബിലാല്‍(എം.എസ്.എഫ്), റഹീം(എ.ഐ.എസ്.എഫ്), സദഖത്തുള്ള(എന്‍.സി.പി), ഫൈസല്‍ കോങ്ങാട്(സുപ്രഭാതം) തുടങ്ങിയവര്‍ ചര്‍ച്ചയില്‍ പങ്കെടുക്കും. ഉബൈദ് ആക്കാടന്‍, സക്കീര്‍ മാരായമംഗലം, ഹംസ റഹ്മാനി സംബന്ധിക്കും.