പയ്യക്കി: ഈ മാസം 14 മുതല്‍ 16 വരെ കാസര്‍കോട് തളങ്കര ഹുദൈബിയാ നഗറില്‍ നടക്കുന്ന മദീനാ പാഷന്‍ ജില്ലാ പ്രചരണാര്‍ഥം എസ്.കെ.എസ്.എസ്.എഫ് ജില്ലാ കമ്മിറ്റി സംഘടിപ്പിച്ച 'യുവാരവം' പ്രചാരണ ജാഥ സമസ്ത ജില്ലാ പ്രസിഡന്റ് ത്വാഖ അഹമ്മദ് അല്‍ അസ്ഹരി ജാഥാ നായകന്‍ പാണക്കാട് സയ്യിദ് ഷഫീഖലി ശിഹാബ് തങ്ങള്‍ക്കു പതാക കൈമാറി ഉദ്ഘാടനം ചെയ്തു. ഖാസി പയ്യക്കി അബ്ദുല്‍ ഖാദര്‍ മുസ്ലിയാര്‍ പ്രാര്‍ഥന നടത്തി. താജുദ്ധീന്‍ ദാരിമി പടന്ന അധ്യക്ഷനായി.
അബ്ദുല്‍ അസീസ് അശ്റഫി മുഖ്യ പ്രഭാഷണം നടത്തി. ഹാരിസ് ദാരിമി ബെദിര, അബൂബക്കര്‍ സാലൂദ് നിസാമി, ഇബ്രാഹിം ഫൈസി ജെഡിയാര്‍, മജീദ് ദാരിമി, ഹാനീഫ് ഹാജി, ഹമീദ് ഹാജി, സുഹൈര്‍ അസ്ഹരി, നാഫിഅ അസ്ഹാദി, സുബൈര്‍ ദാരിമി, യൂനുസ് ഫൈസി, ശരീഫ് നിസാമി, ഹസന്‍ അദ്നാന്‍, ഫാറൂഖ് ദാരിമി എന്നിവര്‍ സംസാരിച്ചു.