വള്ളിക്കുന്ന്: 'ഭൂമിക്കൊരു തണല്‍ നാളേക്കൊരു കരുതല്‍' എന്ന പ്രമേയത്തില്‍ എസ്.കെ.എസ്.ബി.വി ആചരിക്കുന്ന പരിസ്ഥിതി വാരാചരണത്തിന്റെ വെസ്റ്റ് ജില്ലാതല ഉദ്ഘാടനം വള്ളിക്കുന്ന് ആനങ്ങാടിയില്‍ എസ്.വൈ.എസ് സംസ്ഥാന ജനറല്‍ സെക്രട്ടറിയും കോഴിക്കോട് ഖാസിയുമായ സയ്യിദ് മുഹമ്മദ് കോയ തങ്ങള്‍ ജമലുല്ലൈലി വൃക്ഷതൈ നട്ട് നിര്‍വഹിച്ചു. നൗഷാദ് ചെട്ടിപ്പടി, അനീസ് ഫൈസി മാവണ്ടിയൂര്‍, റബീഉദ്ദീന്‍ വെന്നിയൂര്‍, റിയാസ് വെളിമുക്ക്, ശഫീഖ് പുതുപ്പറമ്പ്, ഫാസില്‍ കൊടക്കാട് സംബന്ധിച്ചു.