കല്‍പ്പറ്റ: പച്ചത്തേയിലയുടെ മാര്‍ച്ചിലെ താങ്ങുവില 12.25 രൂപയായി നിശ്ചയിച്ചു. എല്ലാ ഫാക്ടറികളും അതത് മാസത്തെ തേയില വിറ്റുവരവ് നിലവാരവും പച്ചത്തേയിലക്ക് നല്‍കുന്ന വിലയും നോട്ടീസ് ബോര്‍ഡില്‍ പ്രദര്‍ശിപ്പിക്കുകയും രജിസ്റ്റര്‍ സൂക്ഷിക്കുകയും വേണം.
ചെറുകിട തേയില കര്‍ഷകരില്‍ നിന്നും ഇല വാങ്ങുന്നവര്‍ ശരാശരി വിലയോ, ടീ ബോര്‍ഡ് പ്രൈസ് ഷെയറിങ്ങ് ഫോര്‍മുല പ്രകാരം നിശ്ചയിച്ച വിലയോ ഏതാണോ വലുത് അത് കര്‍ഷകര്‍ക്ക് നല്‍കി റിപ്പോര്‍ട്ട് നല്‍കണമെന്ന് എ.ഡി.എം കെ.എം രാജുവിന്റെ അധ്യക്ഷതയില്‍ ചേര്‍ന്ന ജില്ലാ പച്ചത്തേയില വില നിര്‍ണയ കമ്മിറ്റി യോഗത്തില്‍ അറിയിച്ചു.
ടീ ബോര്‍ഡ് ഫാക്ടറി അഡൈ്വസറി ഓഫിസര്‍ സുനില്‍ കുമാര്‍, ചുളുക്ക എസ്റ്റേറ്റ് ടീ ഫാക്ടറി അസി.മാനേജര്‍ കുമാര്‍ പാണ്ഡ്യന്‍, ചെറുകിട തേയില കര്‍ഷക സഹകരണസംഘം ഭാരവാഹികളായ കെ.സി കൃഷ്ണദാസ്, സുനീഷ് തോമസ് തുടങ്ങിയവര്‍ പങ്കെടുത്തു.