കോട്ടക്കല്‍: നമുക്കൊന്നിച്ചിരിക്കാം നവോന്മേഷത്തിനായ് എന്ന പ്രമേയവുമേയത്തില്‍ ഗ്രെയ്‌സ് വാലി യൂണിറ്റ് എസ്.കെ.എസ്.എസ്.എഫും ഇന്ത്യനൂര്‍ ക്ലസ്റ്റര്‍ കമ്മിറ്റിയും സംയുക്തമായി സംഘടിപ്പിച്ച രണ്ടു ദിവസത്തെ ഇബ്തികാര്‍'17 ദ്വിദിന ക്യാംപ് സമാപിച്ചു. സയ്യിദ് ബാപ്പുട്ടി തങ്ങളുടെപ്രാര്‍ഥനയോടെ ആരംഭിച്ച ക്യാംപ് എസ്.കെ.എസ്.എസ്.എഫ് ജില്ലാ പ്രസിഡന്റ് സയ്യിദ് ഫഖ്‌റുദ്ദീന്‍ ഹസനി തങ്ങള്‍ കണ്ണന്തളി ഉദ്ഘാടനം ചെയ്തു. സംഘാടനം, പൈതൃകം, പ്രബോധനം എന്നീ സെഷനുകളിലായി ഫൈസല്‍ വാഫി കാടാമ്പുഴ, അബ്ദുല്‍ ഹമീദ് ഫൈസി അമ്പലക്കടവ്, ഷരീഫ് പൊന്നാനി എന്നിവര്‍ വിഷയാവതരണം നടത്തി. തസ്‌കിയത് സെഷനില്‍ അഹമ്മദ് ഫൈസി കക്കാട് വിഷയാവതരണം നടത്തി.
പാണക്കാട് സയ്യിദ് സാബിഖലി ശിഹാബ് തങ്ങള്‍ സമാപന പ്രാര്‍ഥനയ്ക്ക് നേതൃത്വം നല്‍കി. വിവിധ സെഷനുകളിലായി ഡോ.താജുദ്ദീന്‍ വാഫി അല്‍ അസ്ഹരി, അബ്ദുല്‍ ഖാദര്‍ ഹാജി, ജലീല്‍ കോയ തങ്ങള്‍, അബ്ദുല്‍ അസീസ് വാഫി, മുഹ്‌യിദ്ദീന്‍ വാഫി, ഷഫീഖ് ഇന്ത്യനൂര്‍, സുഹൈല്‍.പി.കെ എന്നിവര്‍ സംസാരിച്ചു.