കരുളായി: മൂത്തേടം ഗവണ്‍മെന്റ് ഹയര്‍ സെക്കന്‍ഡറി സ്‌കൂളിലെ എന്‍.എസ്.എസ് വള@ിര്‍മാര്‍ നിര്‍മിച്ച നാല് ഭവനങ്ങളുടെ താക്കോല്‍ ദാനം നടന്നു. സ്‌കൂളിലെ നാലു നിര്‍ദന വിദ്യാര്‍ഥികള്‍ക്കാണ് എന്‍.എസ്.എസിന്റെ സ്‌നേഹ വീട് നിര്‍മിച്ചത്. വീടിന്റെ താക്കോല്‍ ദാനം നിലമ്പൂര്‍ ബ്ലോക്ക് പഞ്ചായത്ത് പ്രസിഡന്റ് പി.പി സുഗതന്‍ നിര്‍വഹിച്ചു. ജില്ലാ പഞ്ചായത്തംഗം സെറീന മുഹമ്മദാലി അധ്യക്ഷനായി. ചടങ്ങില്‍ ജില്ലാ പഞ്ചായത്തംഗം ഇസ്മായില്‍ മൂത്തേടം, പ്രധാന അധ്യാപിക കെ.ഉഷ, ഗ്രാമപഞ്ചായത്ത് വൈസ് പ്രസിഡന്റ് എ.ടി റെജി, പ്രൊഗ്രാം ഓഫിസര്‍ ഗഫൂര്‍ കല്ലറ, ഇല്‍മുന്നീസ, ഉഷ സന്തോഷ്, എന്‍.എസ്.എസ് സംസ്ഥാന കോ. ഓഡിനേറ്റര്‍ എ.സുബൈര്‍ക്കുട്ടി, ഇ.സൈറാബാനു, ബെറ്റ്‌സി ബാബു, പ്രൈസി അലക്‌സ്, എന്‍.എസ്.എസ് ജില്ലാ കോ. ഓഡിനേറ്റര്‍മാരായ കെ.സി മുരളീധരന്‍, മുഹമ്മദ് അഷറഫ് വിവിധ ഗ്രാമപഞ്ചായത്ത് അംഗങ്ങള്‍, വിവിധ രാഷ്ട്രീയ പാര്‍ട്ടി പ്രതിനിധികളും സംസാരിച്ചു. ചടങ്ങില്‍ വിവിധ മേഖലയില്‍ കഴിവ് തെളിയിച്ചവരെയും മികച്ച വാള@ിര്‍മാരെയും ആദരിച്ചു. ഒരു വീട് നിര്‍മിക്കാന്‍ നാലര ലക്ഷം രൂപയാണ് ചിലവ് വന്നത്. വീടിന്റെ നിര്‍മാണ പ്രവര്‍ത്തിയും വീട് നിര്‍മ്മിക്കാനാവശ്യമായ തുക ക@െത്തിയതും സ്‌കൂളിലെ നൂറ് എന്‍.എസ്.എസ് വാള@ിയര്‍മാര്‍ തന്നെയാണ്.