എടവണ്ണപ്പാറ: പ്രമുഖ കോണ്‍ഗ്രസ് നേതാവും ചരിത്രകാരനും പണ്ഡിതനുമായിരുന്ന കണ്ണിയത്ത് മുഹമ്മദ് മൗലവിയുടെ അനുസ്മരണവും ഇഫ്താര്‍മീറ്റും സംഘടിപ്പിച്ചു. വാഴക്കാട് ദാറുസ്സലാം ഓഡിറ്റോറിയത്തില്‍ നടന്ന പരിപാടി യൂത്ത് കോണ്‍ഗ്രസ് മലപ്പുറം പാര്‍ലമെന്റ് മണ്ഡലം പ്രസിഡന്റ് റിയാസ് മുക്കോളി ഉദ്ഘാടനം ചെയ്തു.
മരണപ്പെട്ട യൂത്ത് കോണ്‍ഗ്രസ് പ്രവര്‍ത്തകരായ അപ്പുക്കുട്ടന്‍, ഗംഗാധരന്‍ എന്നിവരുടെ കുടുംബത്തിനുള്ള ധനസഹായ വിതരണം ജില്ലാ പഞ്ചായത്ത് അംഗം പി.ആര്‍ രോഹില്‍നാഥ് നിര്‍വഹിച്ചു. യൂത്ത് കോണ്‍ഗ്രസ് മണ്ഡലം പ്രസിഡന്റ് മുസ്തഫ വാഴക്കാട് അധ്യക്ഷനായി. നിയോജക മണ്ഡലം യൂത്ത് കോണ്‍ഗ്രസ് പ്രസിഡന്റ് ജൈസല്‍ എളമരം, ശ്രീദാസ് വെട്ടത്തൂര്‍, ഷംസു മപ്രം, കെ.ടി ശിഹാബ്, ഷംസു എളമരം, വേദവ്യാസന്‍, സി.എം.എ റഹ്മാന്‍, എം.പി അബ്ദുള്ള, യു.കെ മുഹമ്മദലി, സി.വി സക്കരിയ്യ, മുരളീധരന്‍ വെട്ടത്തൂര്‍ സംസാരിച്ചു.