ഫറോക്ക് : കരുവന്‍തിരുത്തി സര്‍വിസ് കോ.ഓപ്പറേറ്റീവ് ബാങ്കിന്റെ നേതൃത്വത്തില്‍ സംഭാര കീയോസ്‌ക്കുകള്‍ ആരംഭിച്ചു. ഇ.അഹമ്മദ്.എം.പിയുടെ സമരണാര്‍ഥം ഫറോക്ക് നഗരസഭയിലെ കരുവന്‍തിരുത്തി, ഫറോക്ക് ബാങ്ക് മാള്‍, പേട്ട, ചുങ്കം, പെരുമുഖം പുറ്റെക്കാട് തുടങ്ങി ഏഴ് കേന്ദ്രങ്ങളിലാണ് കീയോസ്‌ക്കുകള്‍ സ്ഥാപിച്ചിട്ടുളളത്. ഇവിടങ്ങളില്‍ നിന്നും ഒരു മാസക്കാലം പൊതുജനങ്ങള്‍ക്കും, യാത്രക്കാര്‍ക്കും സംഭാരം സൗജന്യമായി നല്‍കുന്നതാണ്. സംഭാര വിതരണത്തിന്റെ ഉദ്ഘാടനം ബാങ്ക് പ്രസിഡന്റ് കെ.എം ബഷീര്‍ നിര്‍വഹിച്ചു. വൈസ് പ്രസിഡന്റ് അന്‍വര്‍ അലി സ്വാഗതം പറഞ്ഞു. ഡയറക്ടര്‍ ശംസു്ദ്ദീന്‍ പുറ്റെക്കാട് അധ്യക്ഷനായി. ഡയറക്ടര്‍മാരായ ഇ.കെ ഷമീര്‍, ടി.പി സലീം, പി.വി സക്കരിയ്യ, അസീസ് കൊളക്കാടന്‍, എന്‍.കെ നബീസ, ടി.ബിന്ദു, ടി.സുലൈഖ, സി.പി ആസ്യ, ബാങ്ക് സി.ഇ.ഒ ഖാലിദ് ശമീം എന്നിവര്‍ സംസാരിച്ചു.